نص « عن إسقاط النظام » بقلم عزيز عمامي

Crédit photo : Audrey Cerdan/Rue89

لعل أحد أبرز الشعارات الثورية المطروحة في تونس ، منذ بداية الإنتفاضة الشعبية في 17 ديسمبر 2010 ، هو شعار « الشعب يريد إسقاط النظام  » ، وإلي مازال لليوم يتكرر في الاحتجاجات المتواترة . إسقاط النظام تطرح كمطلب ومرحلة في مسار كامل ، نحبوه يكون ثوري . لكن ، المشكلة الكبيرة إلي الشعار تجاوز طابعو الفكري السياسي ، و ولا كي الفلكلور ، راكبة عليه برشة معاني. هذاكة علاش ، يظهرلي ، كلمة « إسقاط النظام » لازمها بعض التوضيحات والتفسيرات. 

الساعة ، نبداو بتوضيح أشنية مقصود بكلمة « النظام ». برشة ماشي في بالهم إلي النظام هو « الحكومة » ، بما انو في كل مرة تم طرح ها الشعار ، مشات معاها فرد وقت فكرة إسقاط حكومة بن علي ، بين 17 ديسمبر  و-14 جانفي ، مبعد مشات معاها فرد وقت فكرة إسقاط حكومة الغنوشي في القصبة 1 و-2 ، على خاطر حكومة الغنوشي مواصلة للسلطة المباشرة الكاملة متع بن علي ، مبعد تكلس الشعار ، نظراً لعديد الاعتبارات ، منها حالة « التعب » إلي ضربت عديد القوى إلي ساهمت في المسار الثوري ، وإختيار الأحزاب الإنخراط في مسار حزبي إنتهازي (مهادنة السبسي ومعاه مختلف طبقات رجال الأعمال ، بتقسيماتهم الجغرافية والعائلية ، الإنخراط في الهيئة العليا للحكايات الفارغة ، اللعب ع الإنتخابات بمفهوم كلاسيكي تمثيلي يخول للسياسي الإستيلاء على جزء من سلطة قوية ببناها ) … بعد القصبة 2 ، في كل مرة تسمح الأحزاب لقواعدها أني تلتحق بالاحتجاجات ، كيف يترفع شعار / مطلب « إسقاط النظام » ، يتم التلويح بسحب الثقة الأولية من حكومة السبسي ، الشي إلي افقد شوية الكلمة معناها ، وكيف ترفع الشعار بعد الإنتخابات ، عبيد اللون الجديد متع السلطة خرجوا يزبدو ويرغو : « وععع يحبوا ينحيو حكومة شرعية ، وععع يحبوا يدخلوا البلاد في حيط ، دعاة الفتنة » …

الساعة ، النظام أكبر برشة من جرد حكومة. أكبر م السلطة نفسها ، لأني السلطة هي تمظهر للنظام. النظام هو الهيكلة إلي ماشي بيها المجتمع ، من بنية الإدارات وحتى هندستها المعمارية ، لطرائق العمل فيها ، لمنطق إختيار البنى التحتية (مثلاً جودة البوليس المكتف في المنزه 9 ، لا علاقة بالحالة المزرية متع البوليس المكتف في الصخيرة ) ، لتقنيات وطرق إتخاذ القرار المحلي ، لبنية التنظيم السياسي الصغير (عمد ومعتمدين وولاة وصلوحياتهم وطرق اختيارهم وكيفية إتخاذ القرارات وتنفيذها ) ، وتشمل بالخصوص لوجيك تقسيم الثروة ما بين الناس إلي عايشين في نفس المجال الجغرافي ، وعادات تقسيم وتوارث الثروات وما يجي معاها من سلط فعلية غير رسمية وغير معلنة ، تقسيم الثروات جغرافياً وطرق استغلالها ، على خاطر الثروات هي المقوم الأساسي الفعلي إلي يجيب السلطة ، وإستغلال هذه الثروات من قبل فئات على حساب فئات أخرى هو سبب وجود ما يسمى « دولة » والمنظومة متاعها. إلي عندو الفلوس ، ومصدر الفلوس هو إلي عندو القدرة انو يفرض أرائو ومصالحو .

في تونس ، ما عندناش ما يسمى ب-« الطبقة البورجوازية » بالحق ، وحتى المثال الليبرالي الإقتصادي قائم على خدمة مصالح إلي عندهم فلوس حقانية برا تونس ، والفئات المستغنية إلي عنا في معظمها ممثلة وتنوب بورجوازيين اجنبيين (فرنسيس ، سبنيور ، طلاين ، امريكان ، خليجيين ) والدولة عندها أكثر من 250 سنة قايمة على الجباية ، تنحي تاكس من عند الناس ، وتفضل دعم المستغني بطبيعتو. الحال توا يقول انو النظام برمتو مازال ما تبدل فيه شي. البنى والتقسيمات هي نفسها ، الحقرة ديمة خدامة. الحكومة ماهيش النظام ، ولو أني تدافع عليه بما أني منفذ وهي الضامن لمواصلة تواجد السلطة. النظام ينجم يطيح من غير ما طيح الحكومة ، لو هذي الأخيرة تقرر المساهمة في اطاحة النظام والتخلص م التمسكين والتمسيح للبراني كيف الكلب إلي يستنى في عظمة تمت مشمشتها بالكامل. حسب الخيارات الإقتصادية المطروحة من قبلها ، ما فما حتى مؤشر ولا دليل على إرادة تغيير فعلي. لا يكفي الإلتزام بالهوياتي ، لأنو للأسف الهوية -مهما كانت حكاية مزيانة- ما توكلش الخبز. 

يقول القايل ، علاش إسقاط النظام شعار / برنامج ثوري ؟؟ رغم إلي حسب عديد المؤشرات ، تقولش عليه مجرد تجغجيغ ، وحاجة ما عندهاش معنى. الإجابة ساهلة ، يكفي العودة للتعريف الأولي للثورة : الثورة هي عملية تغيير جذري وراديكالي للبنى الإجتماعية والإقتصادية والسياسية (الثلاثة يمشيو مع بعضهم) تتماشى مع تغيير جذري للخطاب المجتمعي (إلي نسموه ثقافة) إلى الأمام نحو أكثر خير وطمأنينة للعموم … تغيير جذري وراديكالي يمسح القديم ويبني الجديد المتقدم ، يحتمل عديد مستويات من العنف (رمزي أو مباشر .. وم المستحسن يقعد في الرمزي ) … ها التغيير هذا يحتاج سقوط النظام برمته ، هذاكة علاش من أجل الثورة يجب إسقاط النظام ، وهو برنامج لا يلزم إلا المقتنع بضرورة الثورة (على خاطر فما توجه أخر هو التوجه الإصلاحي .. لكن هذا موضوع أخر) …

إسقاط النظام مرحلة أولى من أجل إستكمال الثورة … كونك تحس نفسك أقرب للحزب الفلاني ولا التوجه الفلاني ما يمنعكش أنك تتسائل : أماهو أهم ، الحزب أم الثورة ؟؟؟ … بالنسبة لي ، الإجابة هي الثورة

One thought on “نص « عن إسقاط النظام » بقلم عزيز عمامي

  1. Cher Aziz,
    Ne t’es tu jamais demandé d’où est ce que viens cet ordre et pourquoi est il maintenu et par qui est il maintenu? Et bien ce fameux ordre est maintenu par le peuple, ce même peuple est conscient qu’il y a un problème mais n’arrive pas à mettre le doigt dessus et c’est bien pour cette raison qu’il s’est soulevé mais malheureusement n’a pas pu continuer parce que le problème fondamental n’a pas été bien exposé, et si on ne connait pas le problème on ne peut pas le résoudre.
    Cet ordre est maintenu par un peuple piégé dans sa propre culture, dont le slogan est « Waati3ou Ellaha warrassoul waouli elamri minkom », une fois ces trois éléments rassemblés, le peuple ne peut que suivre. Tant que l’école wahhabite monopolise le « discours culturel » qui circule à travers les mosquées, tant que notre société ne peut pas faire émerger une nouvelle élite RELIGIEUSE qui ne mélange pas politique et religieux, nous ne pourrons sortir de ce piège ni changer quoi que ce soit.
    Je pense que pour y arriver, il faut d’abord aider le peuple à comprendre que parler au nom de Dieu et gouverner c’est la chose la plus simple, que si on est à court d’idée et de sagesse mais qu’on est avide de pouvoir le chemin le plus court pour y arriver c’est porter le masque de la religion, que cette pratique a existé depuis le début de l’Islam, depuis qu’on a choisi de tuer les mieux aimés du Prophète saws (si on aime Mohamed saws on ne peut que défendre sa mémoire, et dans celle-ci il y avait son amour profond pour ces petits fils surtout qu’il n’a pas eu de fils). Notre culture a malheureusement été fondée sur le pire des crimes et le pire des mensonges au nom de l’Islam, et tout le monde savait mais personne n’a voulu en parler ni résoudre ce problème simplement en reconnaissant cette erreur et en demandant pardons et en réconciliant avec nos frères Chiaa (sachant que Sounna et Chiaa est un faux problème car même les Chiaa suivent le coran et la sounna du prophète, ce n’est qu’une dénomination politique similaire à « islamiyin et 3elmaniyin »), bien au contraire le peuple Tunisien se laisse encore une fois guidé par des gouvernants qui soutiennent des régimes qui non seulement continuent à maintenir une haine pour les Chiaa mais qui se préparent à les combattre au même rang que les sionistes.
    Il faut faire comprendre que la révolution de notre culture est impérative car tout simplement « Me bounia 3ala batel fahoua batel ». Donc il est évident que notre discours social (culturel donc) est à remettre en cause. Il faut que les gens comprennent le pourquoi du comment pour adhérer, il est clair que notre problème n’est ni le Etats Unis ni les juifs, c’est nous mêmes qui continuons à croire tous ceux qui essayent de nous gouverner au nom de l’Islam, même Bourguiba et Ben Ali ont maintenu leur pouvoir tout ce temps là au nom de l’Islam (ou bien cette version de l’Islam qui habite en nous depuis des siècles)
    Je pense qu’il est temps pour nous d’affronter cette réalité et de dénoncer toute personne qui essaye de gouverner au nom de l’islam et surtout qui marche derrière la haine d’autres musulmans et de n’importe quelle autre religion. C’est notre combat et les gens ne peuvent que suivre le bon sens. Il faut battre quelqu’un dans son propre jeu.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s